Tuesday, 19 June 2018

విటమిన్ డీ తో కేన్సర్ ముప్పు



విటమిన్‌ డీ ఎక్కువగా ఉంటే రొమ్ము కేన్సర్‌ ముప్పు తగ్గుతుందని శాన్‌డీగోలోని యూనివర్సిటీ ఆఫ్‌ కాలిఫోర్నియా పరిశోధకులు గుర్తించారు. ఈ పరిశోధనలో భాగంగా కేన్సర్‌ నిర్మూలన కోసం తమ పేర్లను నమోదు చేసుకున్న 3,325 మంది మహిళలకు సంబంధించిన రిపోర్టులను పరిశీలించారు. వీరిలో విటమన్‌ డీ ఎక్కువగా ఉన్నవారికి రొమ్ము కేన్సర్‌ ముప్పు తక్కువగా అని గుర్తించారు.

ప్రాణాంతక కంతులతో కేన్సర్‌ దాడి చేస్తోంది. పెరుగుతున్న కేన్సర్‌ కేసులకు మొబైల్‌ ఫోన్‌ రేడియేషన్‌ కూడా ప్రధాన కారణమని తేల్చారు యూకే పరిశోధకులు. జర్నల్‌ ఆఫ్‌ పబ్లిక్‌ హెల్త్‌ అండ్‌ ఎన్విరాన్‌మెంట్‌ లో ప్రచురితమైన వారి పరిశోధనా పత్రంలో ఆసక్తికరమైన విషయాలు వెలుగుచూశాయి.

రిపోర్టు ప్రకారం, గ్లియో బ్లాస్టామా మల్టీఫోర్మే (జీబీఎం)గా పిలిచే మెదడులో ప్రాణాంతక ట్యూమర్లకు మొబైల్‌ రేడియేషన్‌ ప్రధాన కారణం! తమ పరిశోధనలో భాగంగా యూకేలో గత 21 ఏళ్లలో నమోదైన 79,241 జీబీఎం కేసులను శాస్త్రవేత్తలు విశ్లేషించారు. ఇంగ్లండ్‌లో గత 20 ఏళ్లలో ప్రాణాంతక ట్యూమర్‌ కేసులు రెట్టింపు అయ్యాయని గుర్తించారు.

1995లో 1250 ఉన్న కేసులు ఇప్పుడు 3వేలకు పెరిగాయని వెల్లడించారు. మెదడులో జ్ఞాపకశక్తిని, మాటను ప్రభావితం చేసే భాగంలోనే కణతులు ఎక్కువగా ఏర్పడటంపై ఆందోళన వ్యక్తం చేశారు. మొబైల్‌ ఫోన్‌ రేడియేషన్‌ ఇందుకు చాలావరకూ కారణమని వెల్లడించారు. ఇంగ్లండ్‌లో బ్రెయిన్‌ ట్యూమర్‌ కేసులు పెరగడానికి మొబైల్‌ ఫోన్లు కారణమని అభిప్రాయపడుతున్నారు. సెల్‌ఫోన్‌ రేడియేషన్‌తోబాటు ఎక్స్‌రేలు, సిటి స్కాన్లు, అణు పరీక్షల అవశేషాలు జీబీఎం ట్యూమర్‌ కేసులకు కారణమని పరిశోధకులు వివరిస్తున్నారు.


Sunday, 17 June 2018

గంటలో కేన్సర్ గుర్తింపు

సరికొత్త రక్తపరీక్ష ద్వారా కేవలం గంట వ్వవధిలోనే పాంక్రియాటిక్‌ కేన్సర్‌ను గుర్తించే వ్యవస్థను శాస్త్రవేత్తలు అభివృద్ధి చేశారు. కేవలం ఒక రక్తపు బొట్టుతో గుట్టు పట్టుకోవచ్చునని ఏసీఎస్‌ నానో అనే జర్నల్‌లో వివరించారు.



ప్రాథమిక దశలోనే ఈ పరీక్షలో వ్యాధి బయపటడితే మెరుగైన చికిత్స చేయవచ్చునని యూనివర్సిటీ కాలిఫోర్నియా ప్రతినిధి లీన్‌ లూయిస్‌ తెలిపారు. రక్తంలో నానో సైజ్‌లో ఉండే ఎక్సోజోమ్స్‌లో కేన్సర్‌ కణాలు గుర్తిస్తే వ్యాధి ఏ దశలో ఉందో తెలిసిపోతుందన్నారు.

Saturday, 16 June 2018

విటమిన్ డీ లోపంతో రొమ్ము కేన్సర్

రోజూ  కాసేపు ఎండలో నిలబడితే ఆరోగ్యానికి మేలని మీరు చాలాసార్లు విని ఉంటారు. ఇందులో వాస్తవం లేకపోలేదు. శరీరం స్వయంగా తయారు చేసుకోవడం సాధ్యం కాని విటమిన్‌ డీని సూర్య కిరణాలతో చేసుకోవచ్చు. ఎముకల దృఢత్వం మొదలుకొని అనేక సమస్యల పరిష్కారానికి విటమిన్‌ డీ దోహదపడుతుందని ఇప్పటికే అనేక పరిశోధనలు స్పష్టం చేశాయి. తాజాగా శరీరంలో విటమిన్‌ డీ ఎక్కువ మోతాదులో ఉంటే రొమ్ము కేన్సర్‌ వచ్చే అవకాశాలు గణనీయంగా తగ్గుతాయని శాస్త్రవేత్తలు గుర్తించారు.

యూనివర్శిటీ ఆఫ్‌ కాలిఫోర్నియా స్కూల్‌ ఆఫ్‌ మెడిసిన్‌ శాస్త్రవేత్తలు జరిపిన అధ్యయనం ఈ విషయాన్ని స్పష్టం చేస్తోంది. విటమిన్‌ డీతో ఆరోగ్య ప్రయోజనాలకు ప్రాచుర్యం కల్పించే లక్ష్యంతో పనిచేస్తున్న ఓ స్వచ్ఛంద సంస్థతో కలిపి ఈ అధ్యయనం జరిగింది. దాదాపు అయిదు వేల మందిపై ఇప్పటికే జరిగిన రెండు క్లినికల్‌ ట్రయల్స్‌ నుంచి  సమాచారాన్ని సేకరించి విశ్లేషించినప్పుడు తమకు ఈ కొత్త విషయం తెలిసిందని ఈ పరిశోధనల్లో పాల్గొన్న శాస్త్రవేత్త ఒకరు చెప్పారు.



2002 – 2017 మధ్యకాలంలో జరిగిన ఈ దీర్ఘ అధ్యయనంలో అప్పుడప్పుడూ విటమిన్‌ డీ మోతాదులను పరిశీలించామని, మొత్తమ్మీద చూసినప్పుడు వీరిలో 77 మంది రొమ్ము కేన్సర్‌ బారిన పడ్డారని ఆయన చెప్పారు. కేన్సర్‌బారిన పడని వారిలో విటమిన్‌ డీ మోతాదు 60 నానోగ్రామ్స్‌/లీటర్‌గా ఉన్నట్లు గుర్తించామని.. సాధారణంగా 20 నానోగ్రాముల విటమిన్‌ డీ ఉంటే చాలని వైద్యం చెబుతుందని వివరించారు.

ఈ నేపథ్యంలో ఆరోగ్యకరమైన విటమిన్‌ డీ మోతాదును గణనీయంగా పెంచేందుకు అమెరికన్‌ వైద్యరంగం ప్రయత్నాలు చేస్తోంది. అరవై నానోగ్రాముల కంటే ఎక్కువ విటమిన్‌ డీ ఉన్న వారికి రొమ్ము కేన్సర్‌ వచ్చే అవకాశం 20 శాతం వరకూ తక్కువగా ఉన్నట్లు తెలిసిందని చెప్పారు.

అధ్యయనంలో పాల్గొన్న వారి వయసు, బాడీ మాస్‌ ఇండెక్స్, ధూమపానం వంటి అలవాట్లు అన్నింటినీ పరిగణలోకి తీసుకున్నప్పటికీ విటమిన్‌ డీ ఎక్కువగా ఉన్నవారికి రొమ్ము కేన్సర్‌ వచ్చే అవకాశాలు తక్కువని తమ అధ్యయనం చెబుతోందని వివరించారు. కొన్ని రకాల ఇతర కేన్సర్ల విషయంలోనూ విటమిన్‌ డీ ప్రభావం ఎంతో ఉన్నట్లు గతంలో జరిగిన పరిశోధనలు చెబుతూండటం ఇక్కడ గమనార్హం.

Friday, 15 June 2018

ప్లాస్టిక్ తో కేన్సర్ ఖాయం

పర్యావరణంతోపాటు.. జంతుజాలం, మానవాళి పట్ల ప్లాస్టిక్‌ అత్యంత ప్రమాదకరమైనదని  సైంటిస్టులు చెబుతున్నారు. ప్రజలు నిత్యం తమకు తెలియకుండానే ప్లాస్టిక్‌ను తినేస్తున్నారు. నీళ్లు, పాలు, ఆహారం, నూనె, చివరికి ఇడ్లీ, సాంబర్‌లు కూడా ప్లాస్టిక్‌ కవర్లలోనే విక్రయిస్తున్నారు. ప్రజలు ప్లాస్టిక్‌ కవర్లు, ప్లాస్టిక్‌తో చేసిన వాడిపారేసే ప్లేట్లలో తింటున్నారు. అలా శరీరంలోకి వెళ్లే ప్లాస్టిక్‌ మానవుల ఆరోగ్యంపై తీవ్ర ప్రభావంచూపుతోంది. ఏకకాలంలో ఒక్కో వ్యక్తి రెండు మూడు జబ్బులతో బాధపడడానికి ఇదే కారణం అని వివరించారు.



ప్లాస్టిక్‌ కారణంగా చిన్నారులు మొదలు.. వృద్ధులదాకా అనేక వ్యాధుల బారిన పడుతున్నారని ఆందోళన వ్యక్తం చేశారు. డెయిరీ పాలు, చక్కెర, తిపి పదార్ధాలు, కోలాలు, ఛాయ్‌, కాఫీ, చిరుతిండి కారణంగా శరీరంలో గ్లూకోజ్‌ శాతం మరింత పెరుగుతుందని, తద్వారా రోగాలు సంక్రమిస్తున్నాయని వివరించారు. కల్తీ ఆహారం కారణంగా చిన్నారులు కూడా కేన్సర్‌ బారిన పడుతున్నారని ఆందోళన వ్యక్తం చేశారు. ప్లాస్టిక్‌ కవర్లలోని పదార్థాలను తినడం మాని.. ప్రతిరోజూ శారీరక వ్యాయామం, జాగింగ్‌, నడక వంటివి చేయడం ద్వారా ఆరోగ్యాన్ని కాపాడుకోవచ్చని తెలిపారు. టెంకాయ, కొబ్బరి నీళ్లు, మట్టికుండలో నీళ్లను తాగాలని, మట్టి పాత్రల్లో వంట చేయడం ద్వారా బహుళ ప్రయోజనాలు ఉంటాయన్నారు.

Thursday, 14 June 2018

టూత్ పేస్టులతో పేగు కేన్సర్.. నిజమా?



ఉదయం నిద్రలేవగానే కాలకృత్యాలు తీర్చుకుని దంతాలను శుభ్రం చేసుకుంటారు. ఇందుకోసం మనకు ఇష్టమైన కంపెనీ టూత్‌పేస్టును వినియోగిస్తుంటాం. నిద్రలేవగానే దుర్వాసనను పోగొట్టి నోట్లోని బ్యాక్టీరియాను తరిమేసి పళ్లను శుభ్రంగా చేసుకునేందుకు ప్రతి ఒక్కరూ టూత్‌పేస్టులను వినియోగిస్తుంటాం.

అయితే, టూత్‌పేస్టులో ట్రైక్లోసన్‌ అనే బ్యాక్టీరియాను చంపే పదార్థం ఉంటుందట. అది కాసింత కడుపులోకి వెళ్లినా.. పేగుల్లో ఉండే ఆరోగ్యకర, అవసరమైన బ్యాక్టీరియాను చంపేయడం వల్ల పేగు కేన్సర్‌ వచ్చే ప్రమాదం ఉందని అమెరికాలోని మసాచుసెట్స్‌ ఆమ్‌హెర్ట్స్ వర్సిటీ శాస్త్రవేత్తలు హెచ్చరించారు.



ఇందుకోసం వారు తొలుత ఎలుకలపై ప్రయోగం చేశారు. ఎంపిక చేసిన ఎలుకలకు ట్రైక్లోసన్‌ తినిపించారు. ఆ తర్వాత ఆ ఎలుకలను పరిశీలించగా వాటిలో జీర్ణవ్యవస్థకు అవసరమయ్యే బ్యాక్టీరియా (గట్‌ బ్యాక్టీరియా) చనిపోయినట్లు గుర్తించారు.

అమెరికాలో కొన్ని ఉత్పత్తులపై నిషేధం ఉన్నా మిగతా దేశాల్లో ఈ రసాయనంపై ఎక్కడా నిషేధం లేదని వివరించారు. ఇప్పటికే ఈ రసాయనం ప్రపంచం నలువైపులా సబ్బులు, టూత్‌పేస్టుల రూపంలో వ్యాపించిందని, దీనివల్ల మరింత నష్టం జరగకముందే తక్షణ చర్యలు చేపట్టాలని హెచ్చరించారు.

Wednesday, 13 June 2018

కేన్సర్ రోగులు ఏం తినాలి..?



కేన్సర్ వ్యాధి బారిన పడిన వారు మానసికంగా తీవ్ర ఆందోళనకు గురవుతారు. కీమోథెరపీ కారణంగా జుట్టు రాలిపోవడంతోపాటు శారీరకంగా బలహీనం అవుతారు. మానసికంగా కుంగుబాటుకు లోనవడం క్యాన్సర్ కంటే ఎక్కువ ప్రభావం చూపుతుంది. కేన్సర్ పేషెంట్లు వ్యాధి నుంచి త్వరగా కోలుకోవడానికి సరైన ఆహారం తీసుకోవడం కూడా కీలకమే. వీరు టమాట, క్యారెట్, గుమ్మడి లాంటి కాయగూరలు తినొచ్చు. ఆపిల్, కివీ, అరటి, నారింజ లాంటి పండ్లను తీసుకోవచ్చు. వీరు కొన్ని రకాల ఆహార పదార్థాలకు దూరంగా ఉండాలి.



ఇది సాధారణ సమాచారం కోసమే చెబుతారు. కానీ ప్రతి కేన్సర్ పేషెంట్ ఆరోగ్య స్థితి డిఫరెంట్ గా ఉంటుంది. కాబట్టి డాక్టర్ చెప్పిన డైట్ కచ్చితంగా ఫాలో కావాలి. మందులతో తగ్గించలేని రోగాలు కూడా ఆహారపు అలవాట్లు మార్చుకోవడంతో సాధ్యమని చాలా రోగాలకు చెబుతారు. అదే సూత్రం కేన్సర్ కు కూడా వర్తిస్తుంది. కేన్సర్ రోగులు డైట్ విషయంలో చాలా జాగ్రత్తగా ఉండాలి. తెలిసీ తెలియకుండా తినే ఆహారపదార్ధాలు ఒక్కోసారి చాలా డ్యామేజ్ చేసే ఛాన్సుంటుంది.










































































Tuesday, 12 June 2018

స్మార్ట్ ఫోన్ తో బ్రెయిన్ కేన్సర్



ఓ పదిహేను నిమిషాలు సెల్‌ఫోన్‌లో మాట్లాడితేనే చాలామందికి తలనొప్పి వస్తుంది. అలాంటిది 20 ఏళ్లుగా రోజూ గంటలకు గంటలు మాట్లాడుతూనే ఉన్నారు. దీంతో సెల్‌ రేడియేషన్‌ మెదళ్లను తూట్లు పొడుస్తోంది. ప్రాణాంతక కంతులతో కేన్సర్‌ దాడి చేస్తోంది. పెరుగుతున్న కేన్సర్‌ కేసులకు మొబైల్‌ ఫోన్‌ రేడియేషన్‌ కూడా ప్రధాన కారణమని తేల్చారు యూకే పరిశోధకులు. జర్నల్‌ ఆఫ్‌ పబ్లిక్‌ హెల్త్‌ అండ్‌ ఎన్విరాన్‌మెంట్‌ లో ప్రచురితమైన వారి పరిశోధనా పత్రంలో ఆసక్తికరమైన విషయాలు వెలుగుచూశాయి.




రిపోర్టు ప్రకారం, గ్లియో బ్లాస్టామా మల్టీఫోర్మే (జీబీఎం)గా పిలిచే మెదడులో ప్రాణాంతక ట్యూమర్లకు మొబైల్‌ రేడియేషన్‌ ప్రధాన కారణం! తమ పరిశోధనలో భాగంగా యూకేలో గత 21 ఏళ్లలో నమోదైన 79,241 జీబీఎం కేసులను శాస్త్రవేత్తలు విశ్లేషించారు. ఇంగ్లండ్‌లో గత 20 ఏళ్లలో ప్రాణాంతక ట్యూమర్‌ కేసులు రెట్టింపు అయ్యాయని గుర్తించారు.

1995లో 1250 ఉన్న కేసులు ఇప్పుడు 3వేలకు పెరిగాయని వెల్లడించారు. మెదడులో జ్ఞాపకశక్తిని, మాటను ప్రభావితం చేసే భాగంలోనే కణతులు ఎక్కువగా ఏర్పడటంపై ఆందోళన వ్యక్తం చేశారు. మొబైల్‌ ఫోన్‌ రేడియేషన్‌ ఇందుకు చాలావరకూ కారణమని వెల్లడించారు. ఇంగ్లండ్‌లో బ్రెయిన్‌ ట్యూమర్‌ కేసులు పెరగడానికి మొబైల్‌ ఫోన్లు కారణమని అభిప్రాయపడుతున్నారు. సెల్‌ఫోన్‌ రేడియేషన్‌తోబాటు ఎక్స్‌రేలు, సిటి స్కాన్లు, అణు పరీక్షల అవశేషాలు జీబీఎం ట్యూమర్‌ కేసులకు కారణమని పరిశోధకులు వివరిస్తున్నారు.

Monday, 11 June 2018

పొగ తాగితే ప్రాణం పోతుంది



ఇటీవలి కాలంలో ఊపిరితిత్తుల కేన్సర్లు పెరిగిపోతున్నాయి. పొగతాగే అలవాటుకు తోడు విపరీతంగా దుమ్మూ, ధూళితో కూడిన పరిసరాల్లో ఉండేవారు ఊపిరితిత్తుల కేన్సర్ బారిన పడుతున్నారు. స్త్రీలలో కంటే పురుషుల్లో కేన్సర్ ఎక్కువగా కనిపిస్తున్నట్లు అమెరికాలోని మేయో క్లినిక్ శాస్త్రవేత్తలు గుర్తించారు. అమెరికాలో ఊపిరితిత్తుల కేన్సర్ విజృంభణపై వారు పరిశోధన చేశారు. ఇదే సమయంలో ప్రపంచవ్యాప్తంగా ఊపిరితిత్తుల కేన్సర్లు, రావడానికి కారణమైన అధ్యయనాలను పరిశీలించి క్రోడీకరించారు. పొగతాగే అలవాటు, ఫ్యాక్టరీలు, ఇటుక బట్టీలు వంటి పొగ ఎక్కువగా ఉండే ప్రాంతాల్లో పనిచేసేవారు ఊపిరితిత్తుల కేన్సర్ బారిన పడుతున్నట్లు తేల్చారు.ఈ కేన్సర్ బారిన పడితే దగ్గుతున్నప్పుడు నోట్లో నుంచి రక్తం రావడం, ఛాతీ నొప్పి, బరువు తగ్గడం, తల నొప్పి, ఎముకల నొప్పి, గొంతు నొప్పి వంటివి కనిపిస్తాయి. వీటితోపాటు దీర్ఘకాలంగా దగ్గు ఉండడం, శ్వాస తీసుకోవడం, వదలడంలో ఇబ్బందిగా ఉండడం, ఆకలి మందగించడం, గొంతు బొంగురు పోవడం, అలసట, బలహీనంగా తయారవడం, ఏదైనా తినేటప్పుడు మింగడానికి కష్టమవడం వంటి లక్షణాలు ఉంటాయి.



ఊపిరితిత్తుల కేన్సర్ ను పల్మనరీ కార్సినోమా అని కూడా అంటారు. ముఖ్యంగా మూడు రకాల ఊపిరితిత్తుల కేన్సర్లు ఉన్నాయి. ఒకటి స్మాల్ సెల్ లంగ్ కేన్సర్ (ఎస్ సీఎల్ సీ), రెండోది నాన్-స్మాల్ సెల్ లంగ్ కేన్సర్ (ఎన్ఎస్ సీఎల్ సీ), మూడోది మాలిగ్నెంట్ మేసోథెలియోమో కేన్సర్. ఇందులో స్మాల్ సెల్ లంగ్ కేన్సర్ ఎక్కువగా వస్తుంది. మాలిగ్నెంట్ మేసోథెలియోమో కేన్సర్ చాలా అరుదుగా వస్తుంది. ఊపిరితిత్తుల కేన్సర్ కు ప్రధాన కారణం పొగతాగే అలవాటే. ముఖ్యంగా చైన్ స్మోకర్లు, బీడీలు వంటివి తాగేవారికి ప్రమాదం ఎక్కువ.

Sunday, 10 June 2018

కేన్సర్ నివారణలో తిరుగులేని దివ్యౌషధం



విటమిన్‌ - డి అంటే, ఎముకలను వ్యాధిగ్రస్తం కాకుండా కాపాడటానికీ, వాటిని దృఢపరచడానికి మాత్ర మేని ఇప్పటిదాకా అనుకుంటూ ఉండిపోయాం. అయితే, కేన్సర్‌ వ్యాధి నివారణలోనూ విటమిన్‌ - డి పాత్ర కీలకమేనని ఇటీవలి పరిశోధనలో బయటపడింది. ఇటీవలి బి.ఎమ్‌. జె .జర్నల్‌లో ప్రచురితమైన ఒక వ్యాసంలో ఈ విషయానికి సంబంధించిన వివరాలే ఉన్నాయి. టోక్యోలోని నేష్నల్‌ కేన్సర్‌ సెంటర్‌ వారు జరిపిన ఓ అధ్యయనంలో వెలుగు చూసిన విషయాలే ఆ వ్యాసంలో వివరంగా ఉన్నాయి.



ఒకరకం విటమిన్‌ -డి లోని ‘ 25- హైడ్రోక్సివిటమిన్‌ డి- కాన్సెంట్రేషన్‌’ అనే ఒక మూలకం కొన్ని రకాల కేన్సర్లను నివారించడంలో సమర్థవంతంగా పనిచేస్తున్నట్లు వారు ఆ వ్యాసంలో పేర్కొన్నారు. వీరు తమ అధ్యయంలో విటిమిన్‌ డి నిల్వలు తక్కువగా ఉన్నవారినీ, ఎక్కువగా వారినీ పోల్చి చూశారు. అయితే, విటమిన్‌- డి నిల్వలు ఎక్కువగా ఉన్న వారిలో కేన్సర్‌ బారిన పడే వారి సంఖ్య 20 శాతం తక్కువగా ఉందని వారు వివరించారు. ప్రత్యేకించి కాలేయ కేన్సర్‌ బారిన పడే ప్రమాదం కూడా 50 శాతం దాకా తగ్గుతోందని కూడా పేర్కొన్నారు. ఉదయ కిరణాలు ఇంట్లోకి వచ్చే అవకాశమే లేకుండా పోయింది. పూర్తిగా గది గోడల మధ్యనో ఆఫీసు గోడల మధ్యనో ఉండిపోయే వారి ఒంటి మీద ఆ కిరణాలు పడే అవకాశం ఎక్కడుంది? పనిగట్టుకుని వీధిలోకి వస్తే గానీ, ఎంతో కొంత నీరెండ మన మీద పడే వీల్లేకుండా పోతోంది. ఏమైనా ప్రకృతి సహజ ప్రభావాలకు దూరం కావడం వల్ల వచ్చి పడుతున్న ప్రమాదాలేమిటో ఒక్కొక్కటిగా ఇలా బయటడపుతున్నాయి.

Saturday, 9 June 2018

బ్లాక్ కాఫీతో కేన్సర్ దూరం



ప్రతిరోజు 2 లేక 3 కప్పుల బ్లాక్‌ కాఫీ తాగితే ఎన్నో ప్రయోజనాలు ఉంటాయని నిపుణులు చెబుతున్నారు. దెమెంతియా, పార్కిన్‌సన్స్ వంటి వ్యాధులు రాకుండా ఉండడంతో పాటు మెదడు చురుగ్గా ఉంటుందని చెబుతున్నారు. బ్లాక్ కాఫీ వల్ల రక్తంలోకి అడ్రినలిన్ విడుదలవుతుందని, దీంతో కొవ్వు కరుగుతుందని పేర్కొన్నారు. అలాగే, లివర్ కేన్సర్, హెపటైటిస్ వంటి వ్యాధులకు దూరంగా ఉండొచ్చట.



ప్రతిరోజు కాఫీ తాగితే శరీర మెటబాలిజం 50 శాతం వరకు పెరుగుతుందని చెబుతున్నారు. ప్రతిరోజు రెండు కప్పుల కంటే ఎక్కువగా బ్లాక్ కాఫీ తాగితే శరీరంలో ఇన్సులిన్ ఎక్కువగా ఉత్పత్తి అయి డయాబెటిస్ వచ్చే అవకాశాలు తక్కువగా వుంటాయని అంటున్నారు. అంతేగాక, బ్లాక్ కాఫీ తాగితే ఒత్తిడికి కూడా దూరంగా ఉండొచ్చని పేర్కొన్నారు.

Friday, 8 June 2018

బరువు తగ్గితే కేన్సర్ దూరం


మన చర్మంపై ఎన్నో రకాల మచ్చలు వస్తుంటాయి. కొన్ని పుట్టుమచ్చలు పెద్దయ్యాక కూడా వస్తుంటాయి. వీటితో ఎలాంటి సమస్య లేదు. కానీ కొన్ని రకాల మచ్చలు కొంచెం దురద పుట్టిస్తూ.. అసహనానికి గురిచేస్తుంటాయి. అలాంటి మచ్చల్ని తొలిదశలోనే డాక్టర్ కు చూపించాలి. ఎందుకంటే అవి ప్రమాదకరమైన కేన్సర్ కణాలు కావచ్చు. అలాంటి చర్మ కేన్సర్ కూడా తగ్గించుకోవడానికి చిట్కాలున్నాయంటున్నారు డాక్టర్లు. చాలా వ్యాధులకు కారణమైన అధిక బరువు.. చర్మ కేన్సర్ కు కూడా దారితీస్తుందని భయపెడుతున్నారు.



చర్మకేన్సర్‌తో బాధపడుతున్నారా? వెంటనే బరువు తగ్గేందుకు ప్రణాళికలు సిద్ధం చేసుకోండి. అవును..! బరువు తగ్గితే చర్మ కేన్సర్‌ దూరమవుతుందని స్వీడన్‌లోని యూనివర్సిటీ ఆఫ్‌ గోథెన్‌బర్గ్‌ శాస్త్రవేత్తలు తెలిపారు. దాదాపు 2వేల మంది చర్మ కేన్సర్‌ రోగులపై పరిశోధనలు చేయగా బరువు తగ్గినవారిలో వ్యాధి 61శాతం తగ్గినట్లు వెల్లడించారు.

Thursday, 7 June 2018

చిటికెలో కేన్సర్ గుర్తింపు


కేన్సర్ ఎంత ప్రమాదకరమైన  వ్యాధి అనే సంగతి ఇప్పుడు అందరికీ తెలుసు. అయితే ఇప్పుడు ఆ వ్యాధిపై అవగాహన కూడా పెరుగుతుండటంతో.. గతంతో పోలిస్తే ముందుగానే ఆస్పత్రికి వెళ్లే వారి సంఖ్య పెరిగింది. కేన్సర్ మొదటి స్టేజ్ లో ఉంటే తగ్గించవచ్చనే డాక్టర్ల మాటలు జనాన్ని ఆస్పత్రులకు రప్పిస్తున్నాయి. అయితే కేన్సర్ ఏ స్టేజ్ లో ఉందో తెలుసుకోవాలంటే టెస్టులు కొంచెం కాంప్లికేటెడ్ గా ఉంటున్నాయనే వారి కోసం మరింత సులభమైన టెక్నిక్ డెవలప్ చేశారు.




సరికొత్త రక్తపరీక్ష ద్వారా కేవలం గంట వ్వవధిలోనే పాంక్రియాటిక్‌ కేన్సర్‌ను గుర్తించే వ్యవస్థను శాస్త్రవేత్తలు అభివృద్ధి చేశారు. కేవలం ఒక రక్తపు బొట్టుతో గుట్టు పట్టుకోవచ్చునని ఏసీఎస్‌ నానో అనే జర్నల్‌లో వివరించారు. ప్రాథమిక దశలోనే ఈ పరీక్షలో వ్యాధి బయపటడితే మెరుగైన చికిత్స చేయవచ్చునని యూనివర్సిటీ కాలిఫోర్నియా ప్రతినిధి లీన్‌ లూయిస్‌ తెలిపారు. రక్తంలో నానో సైజ్‌లో ఉండే ఎక్సోజోమ్స్‌లో కేన్సర్‌ కణాలు గుర్తిస్తే వ్యాధి ఏ దశలో ఉందో తెలిసిపోతుందన్నారు.

Wednesday, 6 June 2018

డిస్పోజబుల్ కప్పులతో కేన్సర్ ముప్పు


ప్లాస్టిక్‌ కప్పులతో మాత్రమే కాదు, చాలా షాపుల్లో, టీ, కాఫీలు సర్వ్‌ చేయడానికి వాడే డిస్పోజబుల్‌ కప్పులు కూడా కేన్సర్‌ ముప్పును కలిగిస్తాయని ప్రపంచ ఆరోగ్య సంస్థ హెచ్చరిస్తోంది. ఒకసారి వాడి పడేసేందుకు ఉపయోగపడే డిస్పోజబుల్‌ కప్పుల తయారీలో కూడా ప్లాస్టిక్, కృత్రిమ రబ్బర్‌ వస్తువుల తయారీలో వాడే ‘స్టైరిన్‌’ అనే రసాయనం కేన్సర్‌ను కలిగించగలదని వెల్లడించింది. నిజానికి ఈ రసాయనాన్ని ‘ బహుశ కేన్సర్‌కు దారితీసే అవకాశాలు గల రసాయనం’గా డబ్ల్యూహెచ్‌ఓ నలభై ఏళ్ల కిందటే గుర్తించింది.



ఈ రసాయనం వల్ల కేన్సర్‌ ముప్పు అవకాశాలు మరింతగా ఉంటాయని తాజా పరిశోధనల్లో తేలడంతో ఇప్పుడు దీనిని మరింత ప్రమాదకర పదార్థాల జాబితాలో చేర్చింది. డేనిష్‌ ప్లాస్టిక్‌ పరిశ్రమలో పనిచేసే 70 వేల మంది ఉద్యోగులపై ఇంటర్నేషనల్‌ ఏజెన్సీ ఫర్‌ రీసెర్చ్‌ ఆన్‌ కేన్సర్‌ (ఐఏఆర్‌సీ) నిపుణులు మూడున్నర దశాబ్దాల సుదీర్ఘ పరిశోధనలు కొనసాగించిన తర్వాత, డిస్పోజబుల్‌ కప్పుల తయారీకి ఉపయోగించే ‘స్టైరిన్‌’ రసాయనం కేన్సర్‌ ముప్పును కలిగించగలదని నిగ్గు తేల్చారు.

Tuesday, 5 June 2018

కేన్సర్ కు సంజీవని ఇమ్యునోథెరపీ


బ్రెస్ట్ కేన్సర్‌ను ఆరంభంలోనే గుర్తిస్తే సరైన చికిత్స అందించి పేషెంట్ ప్రాణాలు నిలపొచ్చు. కానీ వ్యాధిని గుర్తించడం ఆలస్యమైతే చికిత్స కష్టమై రోగిని కాపాటం అసాధ్యం అవుతుంది. కానీ యూఎస్ నేషనల్ కేన్సర్ ఇన్‌స్టిట్యూట్ పరిశోధకులు మాత్రం అసాధ్యాన్ని సుసాధ్యం చేశారు. మూడు నెలలకు మించి బతకదని చెప్పిన మహిళలో కేన్సర్‌ను పూర్తిగా నయం చేశారు.

ఇందుకోసం పరిశోధకులు సరికొత్త ఇమ్యునోథెరపీ విధానాన్ని అనుసరించారు. ఆమె శరీరంలో నుంచి లింఫోసైట్లను బయటకు తీసి లేబోరేటరీలో వాటికి మార్పులు చేశారు. తర్వాత తిరిగి పేషెంట్ శరీరంలో ప్రవేశపెట్టారు. ఇలా.. కేన్సర్ కణాలను మట్టుబెట్టే సామర్థ్యం ఉన్న 90 బిలియన్ల ఇమ్యూన్ సెల్స్‌ను ఆమె ఒంట్లోకి పంపారు.



వాస్తవానికి మనిషిలోని రోగ నిరోధక వ్యవస్థ కేన్సర్ కారక కణాలు సహా హానికారకమైన, దాడి చేసే ఇతర కణాలను చంపేస్తుంది. కానీ పేషెంట్ డీఎన్ఏతో ఉండే కేన్సర్ కణాలను రోగ నిరోధక వ్యవస్థ గుర్తించలేదు. దీంతో కేన్సర్ కణాలు విస్తరిస్తాయి. కేన్సర్‌ కణాలను గుర్తించి, వాటితో పోరాడేలా రోగ నిరోధక వ్యవస్థకు ఇమ్యునోథెరపీ ట్రైనింగ్ ఇస్తుంది.

ఇలా ఇమ్యూనోథెరపీ చేయడం వల్ల సదరు మహిళలో రెండేళ్లలో కేన్సర్ పూర్తిగా తగ్గిపోయింది. ఆమె లివర్లో టెన్నిస్ బాల్ పరిమాణంలో కేన్సర్ కణితి ఏర్పడినప్పటికీ.. ఇతర అవయవాలకు వ్యాధి విస్తరిస్తున్నప్పటికీ.. ఈ చికిత్స విధానం ద్వారా ఆమె కేన్సర్‌ను జయించింది. అడ్వాన్స్‌డ్ స్టేజిలో బ్రెస్ట్ కేన్సర్‌ను నయం చేయడం ప్రపంచంలో ఇదే తొలిసారి కావడం విశేషం‘‘ఇమ్యూనోథెరపీ చాలా సంక్లిష్టమైన ప్రక్రియ, అందరికీ ఒకేలా ఉపయోగించలేం. ఇది ఇప్పటికీ పరిశోధన స్థాయిలోనే ఉంది. కానీ ఈ విధానం ద్వారా ఇతర కేన్సర్లను కూడా నయం చేయొచ్చ’’ని పరిశోధకులు ఆశాభావం వ్యక్తం చేశారు.


Monday, 4 June 2018

ప్రోస్టేట్ కేన్సర్ అంత డేంజరా..?



వ్యాధి నిర్ధారణ జరిగి 6 ఏళ్లు. వ్యాధి ముదిరి మంచం పట్టి సరిగ్గా 40 రోజులే! అయినా మెరుగైన చికిత్సలన్నీ చిటికెలో పొందే వీలున్న ఓ ప్రజా ప్రతినిధి ఇటీవలే ప్రోస్టేట్‌ కేన్సర్‌ చేతిలో ఓడిపోయారు. మరి, అన్ని వసతులు లేని సాధారణ వ్యక్తుల పరిస్థితేంటి? ప్రోస్టేట్‌ కేన్సర్‌ పట్ల అందర్లో ఇలాంటి భయాలెన్నో! అయుతే నిజంగానే ఈ వ్యాధి అంత ప్రాణాంతకమైనదా?

ప్రోస్టేట్‌ కేన్సర్‌ అన్ని కేన్సర్‌లలాంటిదే! కాకపోతే లక్షణాలను తీవ్రంగా పరిగణించకపోవడం వల్ల దశలు దాటేసి, మూడు, నాలుగు దశల్లో వైద్యులను కలుస్తూ ఉండడం వల్ల ప్రాణాంతక కేన్సర్‌గా పేరు తెచ్చుకుంది. కానీ తొలి దశలోనే గుర్తించి అప్రమత్తమైతే అన్ని కేన్సర్‌లలాగే దీన్ని కూడా సమూలంగా నయం చేసే వీలుంటుంది. పురుషుల్లో మూత్రాశయం దగ్గర వాల్‌నట్‌ ఆకారంలో ఉండే ఈ ప్రోస్టేట్‌ గ్రంథిలో కేన్సర్‌ పుడుతుంది. కొన్ని కేన్సర్లు ప్రోస్టేట్‌ వరకే పరిమితమై అత్యంత నెమ్మదిగా పెరిగితే మరికొన్ని వేగంగా పెరుగుతూ ప్రోస్టేట్‌ దాటి ఇతర అవయవాలకూ వ్యాపిస్తాయి. లింఫ్‌ గ్రంథులు, ఎముకల్లోకి పాకిన ప్రోస్టేట్‌ కేన్సర్‌ను నయం
చేయడం కొంత కష్టం. అయితే ప్రోస్టేట్‌ వరకే పరిమితమై ఉండి ప్రారంభంలోనే గుర్తించగలిగితే సమర్థమైన చికిత్సతో ఈ కేన్సర్‌ను తేలికగానే నయం చేయొచ్చు.



ఓ కన్నేసి ఉంచండి!
లక్షణాలను పసిగట్టి వెంటనే వైద్యులను కలవడం వల్ల వ్యాధి అదుపులోకొస్తోంది. కానీ మన దేశంలో వ్యాధి ముదిరిపోయిన తర్వాత మూడు లేదా నాల్గవ దశలో వైద్యులను కలవడం వల్ల అప్పటికే కేన్సర్‌ ఇతర శరీర భాగాలకు పాకిపోయి చికిత్సకు లొంగకుండా తయారవుతోంది. కాబట్టి ప్రోస్టేట్‌ కేన్సర్‌ను ఎంత త్వరగా గుర్తిస్తే అంత త్వరగా నయం చేయవచ్చు. ఇందుకోసం 40 ఏళ్లు దాటిన ప్రతి పురుషుడూ లక్షణాల మీద ఓ కన్నేసి ఉంచాలి. అవేంటంటే...

-తరచుగా మూత్ర విసర్జన చేయాలనిపించడం
-మూత్రం చుక్కలుగా రావడం, మూత్రాశయం ఖాళీ కాకపోవడం
-నడుము భాగంలో ఇబ్బంది, నొప్పి
-మూత్రంలో రక్తం
-ఎముకల నొప్పులు
-పురుషాంగం గట్టిపడకపోవడం



Sunday, 3 June 2018

లంగ్ కేన్సర్ కు తేయాకు మందు

గ్రీన్‌ టీలో బోలెడన్ని యాంటీఆక్సిడెంట్లు ఉంటాయని, తరచూ ఈ పానీయాన్ని సేవించడం ద్వారా కేన్సర్‌ను నివారించవచ్చునని మనం తరచూ వింటుంటాం. ఇందులో వాస్తవం లేకపోలేదు.  భారతియార్, స్వాన్‌సీ యూనివర్శిటీ శాస్త్రవేత్తలు ఇంకో అడుగు ముందుకేసి తేయాకులోకి కొన్ని ప్రత్యేక కణాల ద్వారా ఊపిరితిత్తుల కేన్సర్‌కు సమర్థమైన చికిత్స ఇవ్వవచ్చని నిరూపించారు. ఈ క్వాంటమ్‌ డాట్‌ కణాలు అతి సూక్ష్మమైనవి. ధర్మాలూ అనూహ్యం. కొన్ని రసాయనాలతో కలిసి వేర్వేరు రంగుల్లో ప్రతిదీప్తిని కనబరుస్తాయి. అందువల్లనే వీటిని ఇప్పటికే సోలార్‌ సెల్స్‌ మొదలుకొని వైద్య పరీక్షల్లోనూ వాడుతున్నారు. కేన్సర్‌ చికిత్సలోనూ, యాంటీబయాటిక్‌ నిరోధకతను ఎదుర్కొనేందుకూ ఈ క్వాంటమ్‌ డాట్స్‌ ఉపయోగపడుతున్నాయి.



ఈ నేపథ్యంలో భారతియార్, స్వాన్‌సీ యూనివర్శిటీల శాస్త్రవేత్తలు తేయాకు నుంచి క్వాంటమ్‌ డాట్‌ కణాలను వెలికి తీశారు. వీటి సమక్షంలో ఊపిరితిత్తుల కేన్సర్‌ కణాలు వెలిగిపోవడమే కాకుండా.. వాటిని నాశనం కూడా చేసేశాయి. కేన్సర్‌ కణాల్లోకి చొచ్చుకుపోయిన క్వాంటమ్‌ డాట్స్‌ 80 శాతం కణాలను నిర్వీర్యం చేసినట్లు ఈ పరిశోధనల్లో పాల్గొన్న శాస్త్రవేత్త సుధాకర్‌ పిచ్చయి ముత్తు తెలిపారు. క్వాంటమ్‌ డాట్స్‌ను కేన్సర్‌ చికిత్సకు మాత్రమే కాకుండా యాంటీబ్యాక్టీరియల్‌ లక్షణాలున్న రంగుల తయారీలోనూ వాడవచ్చునని, తేయాకు నుంచి వీటిని మరింత చౌకగా తయారు చేసేందుకు ప్రయత్నాలు చేస్తున్నామని వివరించారు.  

Saturday, 2 June 2018

గంధంతో కేన్సర్ కు చెక్



మనం తీసుకునే చిన్న చిన్న జాగ్రత్తలే కేన్సర్ రాకుండా నిరోధిస్తాయి. మన పెద్దవాళ్లు చెప్పే మాటల్ని మనం తేలిగ్గా తీసుకుంటాం కానీ.. ఇప్పుడు పరిశోధకులు సంవత్సరాల తరబడి రీసెర్చ్ చేసి అవే నిజమని తేలుస్తున్నారు. తులసి, వేప ఆరోగ్యానికి చాలా మంచివని మనందరికీ ఇప్పుడిప్పుడే తెలుస్తోంది. కానీ గంధంలో కేన్సర్ తగ్గించే గుణం ఉందని తెలిస్తే మనమంతా ఆశ్చర్యపోవాల్సిందే. గంధం కనీసం వాడక్కర్లేదని కేవలం వాసనకే కేన్సర్ దూరమౌతుందని రీసెర్చులు చెబుతున్నాయి.





     కేన్సర్‌ కణితులను అంతం చేయాలంటే రేడియేషన్‌ చికిత్స తప్పనిసరి. అయితే, మూత్రాశయ కేన్సర్‌ను అదుపులో పెట్టడానికి జర్మనీ శాస్త్రవేత్తలు వినూత్న ఆవిష్కరణ చేశారు. గంధపు సువాసనతో కేన్సర్‌ను అదుపులో పెట్టవచ్చని గుర్తించారు. గం ధపు వాసనలో ఉండే సాండ్రనాల్‌, సాంటనాల్‌ సమ్మేళనాలు కణితులపెరుగుదలను నిరోధిస్తాయని తేల్చారు.

Friday, 1 June 2018

కేన్సర్ సర్వైవల్ మంత్ జూన్




కేన్సర్ లక్ష మంది మహిళల్లో పల్లెల్లో 8మందికి, పట్టణాల్లో 27మందికి వస్తున్నట్లు ఓ సర్వేలో తేలింది
-దేశ వ్యాప్తంగా ఏటా 5లక్షల మందిని బలిగొంటున్న మహమ్మారి
-ఆడవారిలో సర్వైకల్ కేన్సర్, మగవారిలో నోటి కేన్సర్లు పెరుగుతున్నాయని తేల్చిన పలు నివేదికలు
-సహజ జీవన శైలి, ముందస్తు పరీక్షలే శరణ్యమంటున్న వైద్యులు..




కేన్సర్ అనేది ఒక వ్యాధి కాదు. ఇది సోకిందని తెలిసే నాటికే దాని తీవ్రత పెరిగి ఉండడం కేన్సర్ వ్యాధికి ఉన్న ప్రధాన లక్షణం. శరీరంలోని ట్రిగ్గర్ కణాలు కణవిభజనపై నియంత్రణ కోల్పోవడంతో కేన్సర్ ప్రారంభమవుతుంది. సంబంధిత పరీక్షల ఆధారంగా వ్యాధి ఉందని, అవయవం ఆధారంగా రకాన్ని తెలుసుకొని సరైన చికిత్స అందిస్తే కేన్సర్‌ను అరికట్టొచ్చని వైద్య నిపుణులు అంటున్నారు.

కేన్సర్ అనేది అనేక వ్యాధుల సముదాయం. వాటన్నింటికి ఒకే సాధరణ లక్షణాలుంటాయి. శరీరంలోని ఏ భాగం నుంచి కేన్సర్ వచ్చిందో దాని ఆధారంగా వైద్యులు కేన్సర్ రకాన్ని నిర్ధారిస్తారు. తీవ్ర ఒత్తిడికి గురవ్వడం, పొగ తాగడం, ప్రతికూల పరిసరాల ప్రభావం, కొన్ని అంటువ్యాధులు, జన్యుపరంగా వచ్చే కొన్ని లక్షణాలు కేన్సర్‌కి కారణమవుతాయి.