మానవ రోగ నిరోధక వ్యవస్థపై దాడి చేసే మహమ్మారి వైరస్.. హెచ్‌ఐవీ టైప్‌ 1 ద్వారా కేన్సర్‌ కూడా వచ్చే ముప్పు ఉందని అమెరికాకు చెందిన హెల్త్‌ అండ్‌ హ్యూమన్‌ సర్వీసెస్‌ విభాగం వెల్లడించింది. మనుషుల్లో కేన్సర్‌కు కారణమయ్యే ఏడు కారకాలను ను శాస్త్రవేత్తలు కార్సినోజెన్ల జాబితాలో కొత్తగా చేర్చారు. అందులో ఒకటి ఈ హెచ్‌ఐవీ టైప్‌1 కాగా.. దాంతోపాటు మరో నాలుగు వైర్‌సలు, ఒక రసాయన పదార్థం, ఒక లోహం ఉన్నాయి. దీంతో మొత్తం కేన్సర్‌ కారకాల సంఖ్య 248కు చేరింది.
జూ హెచ్‌ఐవీ-1, జూ హ్యూమన్‌ టి-సెల్‌ లింఫోట్రోపిక్‌ వైరస్ టైప్‌ 1, జూ ఎప్‌స్టీన్‌-బర్‌ వైరస్ , జూ కపోసి సర్కోమా-అసోసియేటెడ్‌ హెర్పి్‌సవైరస్‌ , జూ మెర్కెల్‌ సెల్‌ పోల్యోమావైరస్‌. ఈ ఐదు వైర్‌సలకూ.. నాన్‌-మెలనోమా స్కిన్‌ కేన్సర్‌, కంటి కేన్సర్‌, ఊపిరితిత్తుల కేన్సర్‌, ఉదరకోశ కేన్సర్‌, లింఫోమా సహా 20 రకాల కేన్సర్లతో సంబంధం ఉందని హెల్త్‌ అండ్‌ హ్యూమన్‌ సర్వీసెస్‌ తన 14వ నివేదికలో వెల్లడించింది. వైరస్ లు కావచ్చు.. రసాయనాలు కావచ్చు.. కేన్సర్‌ కారకాల జాబితాలో ఉన్న వాటికి ఎక్స్‌పోజ్‌ అయినంత మాత్రాన కేన్సర్‌ వచ్చేస్తుందేమోనని భయపడాల్సిన పని లేదని శాస్త్రజ్ఞులు చెబుతున్నారు. రాత్రి సమయాల్లో పని చేసినా, ఉదయం కొంత సమయం నిద్రించకపోయినా, అలాగే రాత్రి పది గంటల కన్నా ఎక్కువ సేపు నిద్రించినా కేన్సర్‌ ముప్పు తప్పదని చైనా శాస్త్రవేత్తలు హెచ్చరిస్తున్నారు.
No comments:
Post a Comment