బాలీవుడ్ హీరో ఇమ్రాన్ హష్మీ ఇప్పుడు రచయితగా మారబోతున్నారు. దానికి కారణం రీల్ లైఫ్ కాదు.. రియల్ లైఫ్ లో ఆయనకు కలిగిన పెయిన్. ఇమ్రాన్ కేన్సర్ తో బాధపడుతున్న తన ఐదేళ్ళ కొడుకు ఆర్యన్ ను చూసి చలించిపోయి ఒక పుస్తకం రాసేందుకు సిద్ధమయ్యారు. ఈ పుస్తకంలో ఇమ్రాన్ కేన్సర్ పై పోరాటం గురించి రాయనున్నారు.
36 ఏళ్ళ ఇమ్రాన్ తొమ్మిదేళ్ళ క్రితం పర్వీన్ షహానీని వివాహం చేసుకోగా.. వీరి ఒక్కగానొక్క కొడుకు ఆర్యన్ కేన్సర్ బారిన పడ్డాడు. ప్రస్తుతం ఈ వ్యాధి తొలి దశలో ఉండగా.. ఆర్యన్ చికిత్స పొందుతున్నాడు. ఈ నేపధ్యంలో ఇమ్రాన్ తాజాగా తన ట్విట్టర్ ద్వారా.. ‘నా జీవితంలో గత రెండేళ్లుగా కష్టాలు చవిచూస్తున్నా. ఇద్దరు గొప్ప గురువులను గుర్తించా. వారిద్దరూ కేన్సర్, నా కొడుకు. నాకెదురైన ఆనుభవాలపై ఓ పుస్తకం రాయబోతున్నా’ అని తెలియజేశారు. ఈ పుస్తకాన్ని పెంగ్విన్ బుక్స్ ఇండియా ప్రచురించనుండగా.. వచ్చే ఏడాది విడుదల కావొచ్చని భావిస్తున్నారు.
No comments:
Post a Comment