పొగ తాగడం నోటి క్యాన్సర్ కు రాజమార్గం

పొగాకు నమలడం, పొగ తాగడం హానికరమని మనందరికీ తెలుసు. అయినా సరే ఓ రకమైన బలహీనతకు అలవాటుపడిన కొంతమంది పొగతాగుతూనే ఉంటారు. కొన్ని ప్రాంతాల్లో గిరిజన తెగల్లో పొగాకు నమిలే అలవాటు కూడా ఉంది. ఇలా పొగాకు నమలడం, పొగ తాగడం క్రమంగా నోటి క్యాన్సర్ కు దారితీస్తుందని వైద్య నిపుణులు చెబుతున్నారు.
         పొగాకుతో పాటు పాన్ మసాలా, గుట్కా కూడా నోటి క్యాన్సర్ కు దారితీస్తాయి. నోటి క్యాన్సర్ పెదవులపై, నాలుకపై, అంగిట భాగంలో ఏర్పడుతుంది. నోటి క్యాన్సర్ వస్తే పెదాలపై అల్సర్లు వస్తాయి. క్యాన్సర్ మొదటి దశలో వచ్చే అల్సర్ల కారణంగా ఎలాంటి నొప్పి తెలీదు. తర్వాతి దశలో మెడ కింద భాగంలో ఉండే గ్రంథులు ఉబ్బి, ఉబ్బెత్తుగా అవుతాయి. స్త్రీలలో కంటే పురుషుల్లోనే ఎక్కువగా వచ్చే ఈ వ్యాధిని బయోప్సీ చేయడం ద్వార గుర్తిస్తారు.